Grikska tjóðartingið samtykt fleiri spariætlanir

 Meirluti var fyri ætlanini, ið skal fáa grisku tjóðina aftur á beint. 

Tað er eftir boðum úr ES, altjóða valutagrunninum IMF og evropeiska miðbankanum, at Grikkaland skal gera eina røð av nýskipanum, skal landið fáa fleiri lán. 

Hetta er annar nýskipanarpakkin, ið tjóðartingið samtykkir - tann fyrri varð samtyktur í síðstu viku. 

Hóast meiriluti í tjóðartinginum tók undir við spariætlanini, er talan um trupla støðu hjá Alexix Tsipras, forsætisráðharra, tí fleiri í hansara egnu stjórn taka ikki undir við ætlanini. 

Tí hevur verið neyðugt hjá Tsipras við stuðli úr andstøðuni. 

Fólk í túsundatali vóru á gøtuni í Athen í gjár at mótmæla ætlaðu sparitiltøkunum, ið tjóðartingið altso samtykti í nátt.