Vøkstur og framgongd í Runavíkar kommunu

1. juli búðu sostatt 3.840 fólk í Runavíkar kommunu, og hetta er tað mesta nakrantíð. Inntøkurnar hjá kommununi vuksu nógv fyrra hálvár í ár. 

A-skattainntøkan er vaksin úr 57,1 millión í fjør upp í 61,1 millión krónur fyrra hálvár í ár. Vøksturin er fýra milliónir krónur. 

Heldur góða gongdin fram, væntar Runavíkar kommuna einar átta milliónir krónur meira í skatti við ársenda í ár enn í fjør. 

Nógv virksemi er í kommununi, og bæði almennar og privatar íløgur verða gjørdar, og bjartskygni ræður aftur í vinnulívinum, sigur kommunan á heimasíðuni.