Viðmerkjari: Misálit á løgmann verður lagt fram

Framsókn og Tjóðveldi fara á tingfundinum í dag at leggja fram misálit á løgmann, sigur, Árni Gregersen, politiskur viðmerkjari

Framsókn og Tjóðveldi fara at leggja fram misálit á tingfundinum í dag, skilir tíðindamaðurin hjá útvarpinum í Løgtinginum

Bjarni Mohr

04.08.2015 - 11:10

Tá tingfundurin verður tikin uppaftur seinni í dag, verður eitt av málunum misálit á løgmann, Kaj Leo Johannesen, fyri leiklutin hjá løgmanni í málinum um Eysturoyartunnilin, skilst í Løgtinginum.

- Flokkarnir gera á hendan hátt vart við sína misnøgd við løgmann, segði Árni Gregersen, politiskur viðmerkjari, í samrøðu við útvarpið í eyka tíðindasending klokkan 11.

SÍ EISINI Til reiðar at reisa misálit á løgmann

Tað verða Framsókn og Tjóðveldi, ið fara at leggja fram misálit á løgmann á tingfundinum í dag, segði politiski viðmerkjarin í samrøðu við útvarpið.

Teir báðir flokkarnir fáa helst eisini undirtøku frá Javnaðarflokkinum, tá misálitið verður lagt fram, væntar Árni Gregersen. Hvørja støðu hinir flokkarnir hava, er ikki greitt í løtuni.

Dagført 12:01: Tingformaðurin, Jógvan á Lakjuni, boðar frá, at málið um misálit á løgmann verður viðgjørt klokkan 12:30, tá tingfundurin verður tikin uppaftur.