Nú verður fyrsti tingfundurin eftir løgtingsvalið

bannari
Nú verður fyrsti tingfundurin eftir løgtingsvalið
Fyrsti løgtingsfundur eftir valið verður settur klokkan 10. Tá verða millum annað tey sjey landsstýrisfólkini kunngjørd
Fyrsti tingfundurin byrjar nú klokkan 10. Á myndini løgtingsfólk í gongini í Løgtinginum, beint áðrenn tingfundurin verður settur
Mynd: KvF  
 
15.09.2015 - 09:51

Sambært Stýrisskipanarlógini skal nývalda løgtingið koma saman klokkan 10 tólvta yrkadagin eftir valdagin. Tað er í dag, 15. september.

Tó loyvir Stýrisskipanarlógin, at fyrsti tingfundur kann vera áðrenn tólvta yrkadag, um samgonga er skipað og løgmaður hevur boðað til fundar.

Nýggi tingformaðurin úr Tjóðveldi

Á tingfundinum í dag skulu valúrslitini frá løgtingsvalinum og valbrøvini hjá løgtingsfólkunum góðkennast. Eisini skal tingformaður veljast, umframt tríggir næstformenn.

Greitt er, at nýggi løgtingsformaðurin kemur úr Tjóðveldi, og roknað verður við, at talan er um Páll á Reynatúgvu.

Á tingfundinum verður eisini kunngjørt, hvørji sjey landsstýrisfólk skulu manna landsstýrið hjá Akseli V. Johannesen, komandi løgmanni.

Átta aðalráð í nýggja landsstýrinum

Javnaðarflokkurin

● Løgmann (herundir lógarmál)

● Almannamál

● Mentamál

● Innlendismál (arbeiðsmarknaðarmál, Landsverk og samferðsla)

Tjóðveldi

● Fíggjarmál

● Fiskivinnumál

● Heilsumál (herundir orka og umhvørvi)

Framsókn

● Uttanríkis- og vinnumál (vinna og handil, tó ikki samferðsla og orka)

Bæði útvarpið og sjónvarpið senda beinleiðis frá tingfundinum, sum byrjar klokkan 10.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592