- Tíðindi, mentan og ítróttur
Hava ikki slept ætlanini
Hava ikki slept ætlanini
Ætlanin at gera lestraríbúðir í gamla Kommunuskúlanum í Havn livir enn. Býráðið í Havn játtaði hóskvøldið pening til ætlanina
![](https://kvf.fo/sites/default/files/styles/grein-ovasta-mynd/public/torshavnar_kommunuskuli.jpg?itok=1qAbV4s7)
Ætlanin at gera íbúðir í gamla Kommunuskúlanum í Havn livir enn. Býráðið í Havn samtykti í gjárkvøldið eina rammuavtalu millum Tórshavnar kommunu og Bústaðir og játtaði 400.000 krónur
29.01.2016 - 09:09
Býráðið í Havn samtykti í gjárkvøldið eina rammuavtalu millum Tórshavnar kommunu og Bústaðir og játtaði 400.000 krónur til ætlanina.
Tað var í fjør vár, at fyrstu ferð frættist um møguleikan at gera 35 til 40 lestraríbúðir í Kommunuskúlanum. Kommunuskúlin hevur staðið tómur síðani summarfrítíðina í 2011.
SÍ EISINI Framvegis soppur í kommunuskúlanum
Blámusoppur varð staðfestur í skúlanum í apríl 2011, og blámusoppur var har framvegis í fjør. Tað staðfestu tveir serfrøðingar úr Danmark, sum kannaðu skúlan í fjør summar.
Bústaðir, sum rindaðu fyri hesar kanningar, og Tórshavnar kommuna fingu góð ráð um, hvussu sleppast kann av við soppin.
Nýggjastu sendingar í ÚV
Nýggjastu sendingar í SV