Streymslit í Havn

Seint í gjárkvøldið fór streymurin í einum stórum parti av Vesturbýnum í Havn og hann var burtur í hálvanfjórða tíma. 

Orsøkin var tvær villur á háspenningsnetinum, sigur Jón Nielsen, frá SEV.

Grivið verður í økinum í løtuni, og tað er helst orsøkin til, at villurnar eru íkomnar, sigur Jón Nielsen.

Grivið verður í sambandi við brúnna um Sandá, umframt at kommunan leggur kloakk í økinum. 

Í fyrstu atløgu varð streymurin lagdur um, so økið fekk streym frá øðrum skipanum, men villan verður rættað aftur í dag, sigur Jón Nielsen.

Streymurin fór klokkan hálvgum tólv í gjárkvøldið, og tey seinastu húsini fingu hann aftur um trý-tíðina í morgum.