Ósamd um tunnilsmunnan streymoyarmegin

Ósamd um tunnilsmunnan streymoyarmegin
Tunnilsfelagið og Landsverk eru ósamd um, hvar Sandoyartunnilin skal koma upp. Ósemja er um, hvat Gamlarætt skal brúkast til tá tunnilin er liðugur
Munnin á Sandoyartunlinum streymoyarmegin skal koma upp í havnarlagnum á Gomlurætt heldur tunnilsfelagið. Landsverk heldur ikki, tað er rætta loysnin
 
09.03.2016 - 12:35

Munnin á Sandoyartunlinum streymoyarmegin skal koma upp í havnarlagnum á Gomlurætt. Tað heldur í øllum førum tunnilsfelagið.

Men Landsverk mælir staðiliga frá hesari loysn, tí hon fer at skerja møguleikarnar at nýta havnalagið á Gomlurætt í framtíðini. Eitt havnalag, sum í síni tíð endaði við at kosta landinum hundraðtals milliónir krónur.

Tunnilsfelagið: Gamlarætt er rætta loysnin

Tað er bæði bíligari og tryggari at leggja tunnilsmunnan í sjálvum havnarlagnum í Gomlurætt, sigur tunnilsfelagið.

Arbeiðið at fyrireika Sandoyartunnilin er nú komið somikið langt, at tunnilsfelagið hevur biðið Landsverk um loyvi at gera Sandoyartunnilin, sum eftir teirra ætlan skal fara niður í Gomlurætt og koma uppaftur í Traðardali heima á Sandi.

Tunnilsfelagið er sum heild samt við Landsverk um linjuføringina men ein grundleggjandi munur er. Tunnilsfelagið hevur flutt munnan frá vegabuginum omanfyri Gomlurætt oman í sjálvt havnarlagið.

Vísa á skerda ferðslutrygd

Tað fer at skerja møguleikarnar at nýta havnalagið á Gomlurætt til onnur endamál, og tí mælir Landsverk staðiliga frá at leggja tunnilsmunnan í sjálvum havnarlagnum í Gomlurætt.

At sonevnd hárnálasving verða á eini høvuðsfarleið, kann gerast ein bági fyri ferðslutrygdina, og so fer havnin á Gomlurætt ikki at kunna nýtast eftir at tunnilin er tikin í nýtslu.

Og tað er spell, tí talan er um einastu havn á vestursíðuni á Streymoynni heilt norður til Vestmanna, vísir Landsverk á.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214