Broytingarnar í hjúnabandslógini framvegis í nevnd

Broytingarnar í hjúnabandslógini framvegis í nevnd
Ætlaða broytingin í hjúnabandslógini, ið loyvir samkyndum at giftast borgarliga, hevur sett seg fasta í Rættarnevndini
 
10.03.2016 - 08:11

Roknað hevur verið við, at broytingarnar fóru at verða lagdar fyri Løgtingið til aðru viðgerð hesa vikuna, men lítið røkist fyri tí.

Allar broytingarnar, ið skulu loyva samkyndum at giftast borgarliga, skulu viðgerast undir einum.

Tí krevst, at báðar nevndirnar, sum hava broytingarnar til viðgerðar, eru lidnar við síni álit. Trivnaðarnevdi hevur skrivað sítt álit, men rættarnevndin er ikki klár.

SÍ EISINI Hjúnabandslógin bleiv jólatrøll men er ikki gloymd

Kristin Michelsen úr Javnaðarflokkin, ið er formaður í rættarnevndini, sigur við in.fo, at tað framvegis er óvissa um teir spurningar, sum Rættarnevndin viðgerð.

Tí verður tað neyvan fyrr enn í næstu viku, at Rættarnevndin er klár við sínum áliti, sigur Kristin Michelsen, formaður í rættarnevndini.

Spurnarumfar, sum Dagur & vika gjørdi týskvøldið, vísti, at tað er óvist, um meiriluti er fyri at broyta hjúnarbandslógina so samkynd kunnu giftast borgarligt.

Sjey tingfólk ivast

Í løtuni eru 14 tingfólk fyri og 12 ímóti, meðan 7 ivast. Meðan øll tingfólk í bæði Tjóðveldi og Framsókn er fyri, so eru fleiri tingfólk í Javnaðarflokkinum, sum ivast.

Tey eru Heðin Mortensen, Jónleif Johannesen og Kristin Michelsen, sum annars atkvøddi fyri, seinast málið varð viðgjørt í tinginum.

Millum tey í andstøðuni, sum ivast, eru Annika Olsen í Fólkaflokkinum, og Edmund Joensen, Magni Laksafoss og Bárður á Steig Nielsen í Sambandsflokkinum.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486