Neistin og VÍF eina hond á steypinum

Tað blivu til sannførandi sigrar bæði í kvinnufinaluni og í mansfinaluni.

Kvínnurnar hjá Neistanum vunnu 25-17 á Kyndli. Hálvleiksstøðan var 12-7 til Neistan.

Toppskjútti hjá Neistanum bleiv Marjun Danberg við átta málum. Marianna Eystberg skeyt fimm mál fyri Kyndil.

VÍF bankaði H71

H71 hevur verið gjøgnum alt kappingarárið verið oddalið í landskappingini, men í gjárkvøldið blivu teir settir upp á pláss í Vestmanna.

VÍF smurdi H71 av við stórsigri. Úrslitið bleiv 31-20 til VÍF, sum hevði verið á odda 16-9 í hálvleikinum.

Eftir dystin segði Áki Egilsnes, sum bleiv toppskjútti í dystinum við tíggju málum, at hóast teir vunnu stórsigur, so er framvegis einki avgjørt.

- Leygardagin skulu vit til Hoyvíkar, og har er sera torført at vinna, so vit taka einki fyri givið, segði Áki Egilsnes aftaná dystin.

Myndina eigur jn.fo