Bankaskipanir heim aftur

Fakfólk skulu setast til at gera hesar kanningarnar. 

Uttanríkismálaráðið hevur í tí sambandi biðið løgtingið um eina eykajáttan á eina hálva millión krónur til hesar kanningar. 

Partar av tekniska undirstøðukervinum hjá peningastovunum var flutt frá Elektron, sum landið og peningastovnarnir eiga saman, til Danmarkar, fyri nøkrum árum síðani. Flytanin elvdi til politiskt kjak og serliga Tjóðveldi var harðliga ímóti, at tøkni og hátøknilig størv vóru flutt av landinum. 

Tann hálva milliónin skal tó ikki einans brúkast til at kanna møguleikan fyri at taka heim bankaskipanir. Hon skal eisini brúkast til at kanna møguleikan fyri at yvirtaka loftrúmið, skrivar landsstýrið í grundgevingunum í eykajáttanarumbønini. 

Tann hálva millliónin skal brúkast til at keypa uttanhýsis ráðgeving og verkætlanarleiðslu til hesar báðar verkætlaninar, stendur skrivað í viðmerkingunum.