Arbeiðið skal nú bjóðast út

Landsverk hevur góðkent báðar for-verkætlanirnar, og nú verða sjálvar verkætlanirnar gjørdar. Tær verða lidnar nú í mai, og í juni verður arbeiðið at gera báðar undirsjóvartunlarnir og vegirnar til teirra boðið út

Tað stendur í ársfrágreiðingini hjá P/f Eystur- og Sandoyartunlum fyri 2015. P/f Eystur- og Sandoyartunlar væntar, at fyrsta skotið í Eysturoyartunlinum verður latið av í ár.

2,2 mió. í halli í 2015

Tá liðugt er at bora Eysturoyartunnilin, verður farið undir Sandoyartunnilin. Tað verður í 2018. Partafelagið Eystur- og Sandoyartunlar hevði góðar 2,2 mió. kr. í halli í fjør.

Felagið hevur bara útreiðslur og ongar inntøkur til tann dagin, koyrandi verður millum Eysturoynna og Streymoynna.

Rakstrarhallið er drigið frá eginognini, sum var 20 milliónir krónur. Felagið fekk fimm milliónir krónur úr landskassanum í partapeningi í fjør.