Russland fer undir hernaðardubbing

- Gongdin í málinum vísir, at støðan er ikki batnað, sigur Putin sambært russisku tíðindastovuni Tass. - At radarstøðin í Rumenia skal vera partur av amerikansku rakett-verjuskipanini, er tekin um, at støðan tíverri er versnað, sigur Putin eftir ein fund við russiskar heryvirmenn.

Støðin í Rumenia er partur av skipanini, sum skal ávara Nato um rakettálop og skjóta rakettirnar. Á støðini verða eisini rakettir.

Eisini verða støðir settar upp í Póllandi og Turkalandi, og skip verða somuleiðis við í rakettverjuskipanini.

Ósemja um rakettskjøldurin

Russland hevur fleiri ferðir funnist at rakettskjøldrinum, men Nato sigur, at skjøldurin er ikki ætlaður at verja fyri Russlandi. 

Skipanin er ætlað at verja fyri langtberandi rakettum, sum ágangandi lond skjóta. Iran verður nevnt sum dømi.

Putin spyr, hvaðani atomhóttanin úr Iran kemur. Hon er burtur, sigur hann, men kortini verður hildið fram at byggja rakettverjuskipanina, sigur russiski forsetin.