Taka lán til at gjalda lán

Tey vóru seld í Føroyum og uttanlands. Nýggja lánið skal rindast aftur 22. juni í 2021, um fimm ár. Lánið hevur fasta rentu, sum er 0,5%.

Effektiva rentan til íleggjarar er 0,47%. Tekningarkursurin var 100,12. Peningurin skal nýtast til at rinda lán aftur, ið fellur til gjaldingar 22. juni. Rentan á tí láninum er 3,75%.

Lántøkan lutvíst fyrireikað í Føroyum

Nýggja lánsbrævarøðin verður listað 22. juni 2016 á keypsskálunum í Íslandi og Keypmannahavn.

Fígging Landsins á Gjaldstovuni og Nordea Bank hava fyrireikað lántøkuna og Nordea hevur selt lánsbrøv uttanlands.

BankNordik, Eik Banki, Norðoya Sparikassi og Suðuroyar Sparikassi hava selt lánsbrøvini í Føroyum, skrivar fígging landsins í tíðindaskrivi.