Tingkvinna: Menningarætlanin varð broytt

Tá úrslitið hjá arbeiðsbólkinum, sum gjørdi menningarætlanin fyri heilsuverkið, varð umsett til føroyskt, varð nógv av tí, sum stóð um Klaksvíkar sjúkrahús broytt.

Tað sigur Elsebeth Mercedis Gunnleygsdóttur, løgtingskvinna. Hon sigur, at á umráðandi økjum fyri Klaksvíkar sjúkrahús er úrslitið hjá arbeiðsbólkinum broytt, tá tað varð umskrivað til føroyskt.

SÍ EISINI Álitið fekk kaldliga móttøku í Norðuroyggjum

Niðurstøða er gjørd um eina felags sjúkrahúsleiðslu. Tað var als ikki við í arbeiðssetninginum hjá arbeiðsbólkinum, sigur Elsebeth Mercedis Gunnleygsdóttur, løgtingskvinna.

Aðrir politikarar í Norðoyggjum og stjórin á Klaksvíkar sjúkrahúsi finnast eisini at menningarætlanini.

Tey siga, at Klaksvíkar sjúkrahús er fyri vanbýti í ætlanini, og felags sjúkrahúsleiðslan kom ikki í ætlanina fyrr enn í síðstu løtu.