- Tíðindi, mentan og ítróttur
Vatnskutaravanlukka á víkingadøgum
Vatnskutaravanlukka á víkingadøgum
Ein vatnskutaravanlukka í Leirvík kravdi eitt mannalív

14.08.2016 - 10:12
Ein 52 ára gamal maður læt lív, tá ein vatnskutari sigldi á land í Leirvík stutt fyri kl 18 í gjárkvøldið. Ein 13 ára gomul genta, sum eisini var á skutaranum, kom frá vanlukkuni við lívinum.
Skipað var fyri fleiri tiltøkum á havnarlagnum í Leirvík í sambandi við Víkingadagar, og tí vóru nógv fólk hjástødd, tá vanlukkun hendi.
Sambært løgregluna varð sjúkrabilur skjótur á staðnum og flutti bæði á Landssjúkrahúsið. Ein góðan tíma seinni - beint eftir kl 19 - varð staðfest, at 52 ára gamli maðurin hevði latið lív.
Løgreglan kannar í løtuni hendinga.
Nýggjastu sendingar í ÚV
Nýggjastu sendingar í SV


























