Boko Haram kunngjørt eitt sjónband

Boko Haram kunngjørt eitt sjónband
Á sjónbandinum síggjast 50 gentur aftanfyri ein Boko Haram stríðsmann, sum krevur, at stjórnin í Nigeria leysletur handtiknar Boko Haram stríðsmenn
 
14.08.2016 - 14:20

Islamistiski felagsskapurin Boko Haram hevur í morgun kunngjørt eitt sjónband, sum eftir øllum at døma vísir fleiri av gentunum, sum felagsskapurin rændi fyri skjótt hálvum triðja ári síðan.

Á sjónbandinum síggjast einar 50 gentur í sløri aftanfyri ein alvápnaðan Boko Haram stríðsmann, sum krevur, at stjórnin í Nigeria letur handtiknar Boko Haram stríðsmenn leysar. 

Sambært BBC, sum hevur sæð sjónbandið, noyðir stríðsmaðurin eisini eina gentu at heita á foreldrini um at sannføra stjórnina í Nigeria um at møta krøvunum um leyslating, so tær 219 rændu genturnar sleppa heimaftur.

Boko Haram rændi 276 gentur á einum skúla í Nigeria á vári í 2014. Hildið verður, at av teimum 276 gentunum eru 219 gentur enn á lívi. Á sjónbandinum, sum varð kunngjørt í morgun, sæst minst ein genta halda einum smábarni. Ábendingar eru um, at nógvar av rændu gentunum eru neyðtiknar ella noyddar at giftast við Boko Haram stríðsmonnum.

Boko Haram hevur valdið á økjum norðaliga í Nigeria, og stjórnin í fólkaríka landinum hevur millum annað við bumbuálopum roynt at berja niður víðgongda felagsskapin. Í sjónbandinum fær stjórnin tí skyldina fyri at hava dripið fleiri av rændu gentunum, tá stjórnardeildir hava søkt at Boko Haram málum.

Felagsskapurin boðaði herfyri alment frá, at hann av fullum huga eisini stuðlar Islamskum stati. 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592