Mismunur í fiskidagauppskotinum

Grundgevingin fyri at lækka fiskidagarnar komandi fiskiár, er, at veiðitrystið á toska- og hýsustovnarnar er ov høgt. Men, ikki øll skip, sum veiða tosk og hýsu, verða rakt av lækkingini, um hon verður samtykt. Sambært veiðihagtølum hjá Vørn var toskaveiðan í føroyskum sjógvi í 2015 soleiðis býtt á skipasløgini.

Trolarar fingu 15,6% av toskinum í Føroyum
Línuskip fingu 30,6%
Stóru útróðrarbátarnir 28,7%
og lítlu útróðrarbátarnir fingu 25,1%

Men, toskurin og hýsan, sum endar í trolunum í bólki 2, er hjáveiða, og tí hevur Havstovan mælt til at lata trolarar fáa frið.