Nú fæst prísurin at vita

Í dag verður greitt, hvør skal gera Eysturoyartunnilin og helst eisini Sandoyartunnilin, og hvat endaligi prísurin fyri Føroya størstu verkætlan verður.

Tilboðini verða latin upp klokkan 14 í dag. Tað segði Teitur Samuelsen, stjóri í tunnilsfelagnum, við Dag & viku mánakvøldið.

Báðir tunlarnir verða gjørdir í somu verkætlan, og prísurin verður umleið tvær milliardir krónur til samans hevur ligið í kortunum.

Eysturoyartunnilin letur eftir ætlan upp í 2019 ella 2020, og landfast verður millum Streymoynna og Sandoynna í 2023.