- Tíðindi, mentan og ítróttur
Atkvøða um útlendingar í dag

Væntandi fer ein stórur meiriluti av teimum átta milliónir veljarunum at vraka uppskotið at loyva ES at deila flóttafólk millum limalondini.
Sambært meiningakanningum fara millum 70 og 80 prosent at atkvøða nei, skrivar Reuters.
Hinvegin er ivasamt, um helvtin av veljarunum í Ungarn greiða atkvøðu, sum annars er minsta krav, um úrslitið skal koma í gildi.
Forsætisráðharrin í Ungarn, Vikton Orán mælir til at atkvøða nei. Andstøðan mælir veljarum til at boykotta fólkaatkvøðuna.
Í fjør ferðaðust umleið 400.000 fólk, ið flýddu undan kríggi og fátækradømi, gjøgnum landið við kós móti Vesturevropa, og næstan eingin var verandi í Ungarn.
Í eini roynd at handfara stóra flóttafólkastreymin hevur ES í hyggju seta í verk eina kvotuskipan at býta tey, ið søkja um friðskjól, millum ES-londini.


























