Jóhan Christiansen heldur fram í Eysturkommunu

Í Eysturkommunu heldur Jóhan Christiansen fram sum borgarstjóri. Tað boðar borgarstjórin frá í tíðindaskrivi. 

Tjóðveldi, Javnaðarflokkurin og Framsókn hava skipað samgongu, og Árni Jacobsen verður varaborgarstjóri. 

Jóhan Christiansen, Gudny Langgaard og Tollakur Joensen eru vald fyri Tjóðveldi.

Árni Jacobsen og Hans Mourits Foldbo eru valdir fyri Javnaðarflokkin. Og Hanna Jensen er vald fyri Framsókn.

Samgongan arbeiðir nú við býtinum av nevndarsessum, stendur í tíðindaskrivinum frá borgarstjóranum.