Fiskimálaráðið helt ikki góðan fyrisitingarsið

Umboðsmaðurin hevur viðgjørt eina kæru um viðgerðina og niðurstøðuna hjá Fiskimálaráðnum í einum máli um fiskidagar í bólki 4B. 

Tað byrjaði við einum fyrispurningi frá Meginfelag Útróðrarmanna í februar 2016 til Fiskimálaráðið um møguleikarnar fyri at fáa fatur á ónýttum fiskidøgum til limir teirra, sum renna seg í loftið fyri útlutaðar dagar 2015/16.

Fiskimálaráðið sendi fyrispurningin víðari til Vørn sama dag at svara endaliga. 

Hvørki skrásett ella svarað

Men sambært kanningum hjá Løgtingsins umboðsmanni, kanna staðfestast, at Vørn hvørki hevur skrásett ella svarað hesum telduposti.

Tað stendur till umboðsmannin at taka støðu til, um málið skal kannast nærri. 

Eftir at hava lisið kæruna, frágreiðingina frá Fiskimálaráðnum og skjølini í málinum, hevur umboðsmaðurin einki at viðmerkja til niðurstøðuna hjá Fiskimálaráðnum, men gevur Fiskimálaráðnum átalu fyri ikki at halda góðan fyrisitingarsið, tí

Fiskimálaráðið ikki svaraði fýra rykkjarum, ið vórðu sendir teimum um málið.