Vildu umborð á Norrönu

Fimm ungir dreingir frá Marokko, ætlaðu at goyma seg í eini bingju á bryggjuni í Hirtshals náttina til leygardagin, skrivar TV2 Nord.

Dreingirnir vórðu avdúkaðir av myndatóli, tá teir klatraðu upp um hegn og girðingar á havnaøkinum í Hirtshals við tí fyri egyað at goyma seg í eini bingju og soleiðis sleppa til Íslands við Norrönu.

Løgreglan í Norðurjútlandi sendi fólk og hundar á staðið, og har funnu tey dreingirnar, sum høvdu goymt seg í einum húsvogni.

Dreingirnir eru komnir til Danmarkar uttan foreldur, og teir hava fingið fyribils uppihald í Sandholmleguni á Sælandi.