Málið ikki raðfest

Tað viðgongur Ruth Vang, forkvinna í nevndini, nú andstøðan er farin at ótolnast eftir at fáa uppskotið aftur í tingið. Eisini løgtingsformaðurin hartar Fíggjarnevndina.

Tað er andstøðan, ið hevur lagt uppskotið fram. Sambært gerðabókini hjá Fíggjarnevndini, er málið als ikki viðgjørt, hóast tað hevur staðið á skrá nakrar ferðir. 

Tá Løgtingið hósdagin atkvøddi um at fáa málið úr fíggjarnevndini, eftir uppskoti frá Jenisi av Rana og Kára P.Højgaard, stóð á jøvnum 15-15. Páll á Reynatúgvu atkvøddi blankt.

SÍ EISINI Viðgera aftur fíggjarliga stuðulin

Í heyst gjørdist greitt, at 7,6 milliónir restaðu í, fyri at saltsiloin á Drelnesi kundi gerast liðug og lata upp. Mærskgrunnurin játtaði at lata tríggjar milliónir, og Tvøroyrar kommuna hevur játtað at lata tríggjar milliónir. 

Saltgrunnurin hevur sagt, at hann ætlaði at taka lán, fyri at fígggja seinastu 1,6 milliónirnar, men so legði andstøðan í Løgtinginum uppskot um eykajáttan fyri Løgtingið um at játta írestandi peningin.

Seinni í hesum mánaðinum  fæst at vita, hvørja lagnu uppskotið fær.