Landsstýriskvinnan vil hava lógina broytta

Sirið Stenberg, landsstýriskvinna í innlendismálum, fer at biðja Løgtingið broyta kommunustýrislógina.

Uppskotið um lógarbroytingina kemur eftir, at Løgtingsins umboðsmaður og Innlendismálaráðið funnust hvassliga at stýrinum fyri Økistænastuna í Sandoyar sýslu, tá tað setti leiðara í 2015. 

Fingu einki gjørt

Hóast Innlendismálaráðið fanst at stýrinum, fekk tað einki gjørt, tí lógin hevur onga heimild til at fara eftir kommununalum samstørvum, bara eftir einstøkum kommunum.

Fyri at fáa eitt kommunalt samstarv at gera tað, sum tað hevur skyldu til at gera, kann landsstýrisfólkið geva limunum í samstarvinum tvingsils-sekt. 

Til dømis barnaverndartænastur og samstarv um eldarøkt og heimarøkt koma undir lógina, verður hon samtykt í Løgtinginum.