Noreg hartar Føroyar

Norska sildakvotan í ár er 67 prosent av heildarkvotuni. Hon var 61 prosent í fjør. Norska kvotan er hækkað, tí Føroyar hava hækkað sína kvotu.  

Jonny Berfjord í reiðarafelagnum Fiskebåt sigur við Fiskeribladet, at Føroyar tvífaldaðu sína kvotu í fjør.  

Funnist verður at ábyrgdarloysinum hjá Føroyum og Íslandi. Men einasti mátin er at svara teimum aftur við at hækka norsku kvotuna.

Norski parturin minkaður sjey prosentstig

Sambært gamla býtinum, sum er frá 2007, eigur Noreg 61 prosent av heildarkvotuni. Men tá Føroyar hækkaðu sína kvotu, fór norski parturin í veruleikanum niður í 54 prosent.    

Berfjord sigur, at bara Noreg og ES hava sýnt ábyrgd viðvíkjandi norðhavssildini. Hann sigur, at Føroyar hækka kvotuna fyri at fáa pengar í landskassan.

Tá Føroyar í ár, fimta árið á rað, hækkaðu sína kvotu, avgjørdi norski fiskimálaráðharrin eisini at hækka norsku kvotuna.