Andstøðan rýmdi úr tingsalinum

Andstøðan rýmdi úr tingsalinum í dag, tá atkvøðast skuldi um málið at yvirtaka persóns-, húsfólka- og arvarætt.

Hon vildi hava málið beint aftur í nevnd, ella at formansskapurin vísti tí frá sær.

Løgtingsformaðurin mátti niðurleggja tingfundin, tí samgongan var ikki fullmannað.

Tá tingfundurin var settur aftur, bar ikki til, tí framvegis var ikki nóg mikið av fólki í tingsalinum, og tingformaðurin hevur nú boðað frá, at atkvøðurgreiðslan er útsett til tingfundin, sum verður mánadagin.