Minni botnfiskur avreiddur

Sambært nýggjastu tølunum frá Hagstovuni vóru 17.800 tons avreidd fyrstu fýra mánaðirnar í ár, átta prosent minni enn í fjør.

Virðið á fiskinum minkaði 12 prosent. Tað var 214,2 milliónir krónur. Toskur og hýsa minkaðu bæði 14 prosent í tonsum og upsin seks prosent.

Eisini flatfiskurin er minkaður. Hann er minkaður tíggju prosent. Har er virðið 15 prosent minni enn í fjør.

Lítið verður gjørt av at taka rogn og livur við til lands. Tonsini vóru 34 í fjør, men bara ein triðingur, 11 tons, fyrsta fýra mánaðir í ár.