Fundur um játtanina til Skopunar havn

Fíggjarnevndin fer seinnapartin at viðgera fíggjarnevndarskjalið frá Henriki Old, landsstýrismanni. Hann biður um 1,2 milliónir krónir í eykajáttan til Skopunar Havn, so grótið fæst burtur úr innsiglingini.

Grótið er komið av brimi, og hóast grót bæði í 2014 og 2015 varð ruddað burtur, so er aftur lagst so nógv grót, at eykajáttan er neyðug, um tað skal kunna beinast burtur.

Tí er eisini neyðugt at finna eina varðandi loysn, sigur Henrik Old, landsstýrismaður.