Betri Banki verður nú meldaður

Betri Banki verður nú meldaður
Sonevnda skattamálið skal latast fútanum til støðutakan, er niðurstøðan hjá løgfrøðingi. Bankin tekur undir við løgfrøðinginum
Sonevnda skattamálið hjá táverandi Eik banka skal latast fútanum til nærri støðutakan, er niðurstøðan hjá løgfrøðingi. Betri Banki tekur undir við niðurstøðuni
 
18.07.2017 - 14:49

Sonevnda skattamálið hjá táverandi Eik banka skal latast fútanum til nærri støðutakan. Fútin má gera metingina um nakað revsivert er farið fram.

Tað er ein av niðurstøðunum hjá Bárði Larsen, løgfrøðingi, ið Kristina Háfoss, landsstýriskvinna í fíggjarmálum, í mars setti at kanna málsgongdina í sonevnda skattamálinum.

TAKS hevur tikið avgerð um at senda málið um nógv umrødda skattafrádráttin hjá Eik banka til fútan, tí tað er tilmælið hjá Bárði Larsen, serliga advokatinum hjá Fíggjarmálaráðnum, ið hevur kannað málið til botns

SÍ EISINI Skattamálið: Niðurstøðurnar hjá løgfrøðinginum

Bárður Larsen tekur ikki støðu til, um málið eigur at føra til, at ákæra verður reist. Løgfrøðingurin tekur heldur ikki støðu til, um grovt svik er framt, ið eigur at føra til dóms.

Nevndin í Betri Banka tekur undir við, at skattamálið skjótast gjørligt eigur at latast fútanum til rættarliga meting, so ein endi fæst á ivamálinum, sum bankin orðar seg í tíðindaskrivi.

- At málið verður latið fútanum ljóðar álvarsligt og skal eisini takast í álvara, men tað er umráðandi at minnast til, at kanningin snýr seg um eina einstaka sak, og ikki um virksemi bankans annars,” sigur Bjørn Mortensen, forstjóri í Betri Banka.

Dagført 15:11:

Frætt meira og hoyr samrøðu við Kristinu Háfoss, landsstýriskvinnu í fíggjarmálum, í útvarpstíðindunum klokkan 15:00 her.

1149122

 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214