Vónar at fáa eykajáttan nú

Eykajáttanin til Fróðskaparsetrið verður vónandi løgd fyri tingið  á ólavsøku, tá nýggja tingárið er byrjað. 

Tað sigur Sigurð í Jákupsstovu, rektari, í stuttari viðmerking. 

Eykajáttanin til Setrið datt burtur, tá løgtingið varð sent til hús 5. juli. Hon var 2,5 mió. kr., men Fróðskaparsetrið bað um 3,5 mió. kr. 

Hevur brúk fyri peninginum

Fróðskaparsetrið hevur brúk fyri pengunum, skal raksturin halda fram óbroyttur næsta lestrarár.

Tað er eingin sparing at siga fólki upp nú, tí tey fáa løn í uppsagnartíðini, sum er nakrir mánaðir.

Men Setrið bíðar við at seta fólk í fýra ella fimm størv, sum annars eru klár at seta nú, sigur rektarin.