Stjórnarskipanin løgd fyri tingið

Tað hevur verið á veg fleiri ferðir og varð eisini borið í tingið í síðstu viku. Tá var uppskotið steðga í løgtingsumsitingini og sent aftur til løgmansskrivstovuna.

Men nú er uppskotið til eina nýggja stjórnarskipan lagt fyri tingið. 

Upprunaliga ætlaði samgongan, at fólkaatkvøða skuldi vera um føroyska stjórnarskipan í ár, men tað varð útsett, og nú skulu føroyingar á fólkaatkvøðu flaggdagin komandi ár um stjórnarskipan.

Uppskotið skal samtykkjast hálvt ár áðrenn fólkaatkvøðuna, hevur løgmansskrivstovan sagt, og tí skal uppskotið verða samtykt við triðu viðgerð í løgtinginum í seinasta lagi 25. oktober.
 

Uppskotið til stjórnarskipan