Royna at víðka makrelsemjuna

Komandi tvær vikurnar verða árligu strandarlandasamráðingarnar um makrel, svartkjaft og norðhavssild hildnar í London.

Byrja verður í dag við samráðingum um makrel.

Norra hevur formansskapin.

Fiskimálaráðið skrivar á sínari heimasíðu, at partarnir skulu viðgera mest loyvdu veiðu fyri 2018, nú ICES er komið við sínum tilmæli fyri 2018.

Eisini verður roynt at fáa aðrar partar við í makrelsemjuna millum Føroyar, ES og Norra frá 2014.

Svartkjafturin og norðhavssild í næstu viku

Í næstu viku eru svartkjafturin og norðhavssildin á skránni.

Tær samráðingarnar fara eisini fram í London.

Tað eru Føroyar, Evropasamveldið, Grønland, Ísland, Norra og Russland, sum luttaka í samráðingunum.