Nýggja bryggjan er størsta íløgan næsta ár

Størsta íløgan hjá Runavíkar kommuna næsta ár er bryggjan undir Høgabóli í Saltangará.

16 milliónir krónur eru settar av til hennara í 2018. 

Hon fer at kosta kommununi 45 mió. kr., tá hon er liðug tíðliga næsta ár.

Runavíkar býráð hevur endaliga samtykt fíggjarætlanina fyri 2018.

Raksturin fer sambært henni at kosta 148,5 mió. kr., og íløgur verða gjørdar fyri 41 milliónir og 150.000 kr.

Skattaprosentið verður óbroytt, 22, men barnafrádrátturin hækkar 1.500 kr. upp í 6.500 kr.

Einki lán í 18

Runavíkar kommuna skyldar 64 prosent av einari álíkning.

Kommunan fer ikki at taka lán næsta ár.

Tá bryggjan er liðug, verður næsta stóra íløgan hjá komununi møguliga ein svimjihøll. Býráðið hevur tó ikki avgjørt at byggja hana. 

Hildið verður fram at gera kloakkir. 

Kloakkirnar eru gjørdar í 15 bygdum. 

Fýra milliónir til kloakkir

Næsta ár eru fýra milliónir settar av til kloakkir í Søldarfirði og Saltangará. 

Kommunan leggur stóran dent á at útvega grundstykki. Stykki til 85 bústaðir verða gjørd í Saltangará og Runavík og 12 á Skála.

6,8 mió. kr. eru settar av til hetta, og er tað næststørsta íløgan í 2018.  

Fíggjarkarmurin hjá Runavíkar kommunu er beint oman fyri 200 millónir næsta ár.