Fjølmiðlar í Norðurlondum eru frælsast

Fjølmiðlar í Norðurlondum eru frælsast
Tað vísur yvirlitið World Press Freedom Index fyri 2017, sum journalistar um landamørk gera á hvørjum ári
 
13.11.2017 - 16:56

Noreg er á fyrsta plássi, Svøríki á øðrum plássi, Finnland á triðjaplássi, Danmark á fjórða plássi, og so er eitt lop niður til Ísland, sum liggur á 10. plássi tá tað snýr seg um, hvussu frælsir fjølmiðlarnir í landinum eru. 

Tað vísur yvirlitið World Press Freedom Index fyri 2017, sum journalistar um landamørk gera á hvørjum ári.

Býtt upp í litir

180 lond eru lýst á einum heimskorti. og tey hava ljósagulan, myrkt-gulan, appilsingulan, reyðan ella svartan lit, - alt eftir, hvussu frælsir fjølmiðlarnir í londunum eru.

Týskland liggur á 16. plássi, og er hevur ljósagulan lit, har fjølmiðlarnir eru frælsast. 

Bretland er myrka-gult, og liggur sum nr. 40 aftanfyri eitt nú Surinam, Kanada, Namibia, Spania og SuðurAfrika. 

Appilsingult er eitt nú Italia á 52.plássi, Grikkaland og Polland. 

Russland liggur aftanfyri India, Indonesia og Mali, sum er nr. 116 og tey hava øll reyða litin.

Og so eru tað eisini lond, sum hava svarta litin, - Kuba, Libya, Saudi Arabia, Kina, Egyptaland og niðast á listanum, sum nummar 180, NorðurKOrea, sum eisini er svart. Tað merkir, á yvirlitinum, at støðan hjá fjølmiðlum er sera vánalig.

Yvirlitið lýsir eitt nú frælsið hjá journalistum at arbeiða, hvussu frælsir miðlarnir eru og trygdina hjá journalistunum í hvørjum landi. Hetta er tó ikki yvirlit yvir, hvussu góðskan á journalistikkinum er í hvørjum landi, skrivar felagsskapurin fyri journalistar uttan landamørk, RSF.

Er kopiera
Nýggjastu sendingar í ÚV
Mánadag 27. januar
Norðurljóð 27.januar 2025
186723
Mánadag 27. januar
Takk fyri dansin, Teitur
186918
Mánadag 27. januar
Góðan morgun Føroyar
186905
Mánadag 27. januar
Vetrarjazz 2025
186712
Nýggjastu sendingar í SV
Mánadag 27. januar
3-2
186892
Sunnudag 26. januar
Guðstænasta á Viðareiði
186881
Fríggjadag 24. januar
Veðrið
186817
Hósdag 23. januar
Heim, kæra heim (1:3)
186749