Tendraði neyðblus í mannamúgvu

1000 krónur.

Tað er upphæddin, sum ein maður skal gjalda í bót, eftir at hann í nátt tendraði eitt neyðbluss, meðan hann var staddur millum nógv fólk.

Hetta hendi í miðbýnum í Havn í nátt.

Maðurin fær bótina fyri brot á politiviðtøkurnar.

Eitt neyðbluss skal einans tendrast, tá tú skalt boða frá neyðstøðu, og sostatt er tað heldur ikki loyvt at brúka á nýggjárinum.