Meirilutan minnir á eykabýráðsfund og nevndarval

Meirilutin í býráðnum á Tvøroyri sendi fyrrapartin borgarstjóranum og kommunustjóranum eina áminning um eykabýráðsfundin, sum meirilutin bað um mánadagin.

Nýggi meirilutin á Tvøroyri vil hava býráðsnevndirnar valdar av nýggjum. 

Tey vildu hava tær valdar longu 29. desember. Men tað vildi borgarstjórin ikki.

Hann boðaði frá, at tær kundu veljast á fyrsta byráðsfundinum í ár, sum varð settur at vera mánadagin, 8.januar.

Hann varð útsettur uttan grundgeving.

Sum skilst hevur borgarstjórin á Tvøroyri, Kristin Michelsen, vent sær til formannin í javnaðarflokkinum og samgonguleiðaran, Aksel V. Johannesen, um stríðið í býráðnum á Tvøroyri.

Kristin Michelsen er ikki valdur í býráðið fyri Javnaðarflokkin.