Samstarv um fiskivinnuútbúgving í Útnorðri

Ísland, Grønland og Føroyar eiga at arbeiða saman um eina fiskvinnuútbúgving.

Stjórnin og landsstýrini bæði eru biðin um at kanna møguleikarnar fyri hesum. 

Fyrsta stigið eigur at verða samstarv um eina vinnuliga útbúgving í fiskivinnutøkni og góðsku, sigur Útnorðurráðið.

Kanna plast

Útnorðurráðið mælir eisini stjórnini og landsstýrunum til at kanna, hvussu illa plast dálkar í Norðuratlantshavi og, hvussu nógv mikroplast er í fiski og øðrum djórum í sjónum.

Kanningarnar skulu gerast í ár. 

Tilmælini bæði eru løgd fyri løgtingið.

Tey verða viðgjørd har mikudagin. 

Útnorðurráðið er samstarv millum tingfólk í londunum í Útnorði.