Kanna fígging til bústaðir í útjaðaranum

Tað er trupult at fáa fígging til bústaðir á smáu plássunum og í útjaðaranum. Og tann trupulleikan hava grannalondini eisini.

Tí eru embætisfólk í Fíggjarmálaráðnum farin undir at kanna, hvat verður gjørt í grannalondunum.

Men spurningurin er ikki lættur at loysa, viðgongur Kristina Háfoss, landsstýriskvinna í fíggjarmálum:

- "Vit ynskja eina búseting og fjáltáttaðar bústaðarmøguleikar kring alt landið. Men tað er ikki lætt at loysa tað. Annars hevði tað verið loyst", sigur Kristina Háfoss.

Embætisfólk eru farin at kanna, hvussu tað kann loysast, at fólk ikki fáa fígging til at byggja sær bústað á smáu plássunum og í útjaðaranum, sigur Kristina Háfoss:

- "Eg havi lagt áherslu á, at tað má finnast ein loysn, sum tryggjar, at borgarar, sum búseta seg í útjaðaranum, ikki stavnsbinda seg, og ikki innber nakað alment veðhald". 

Nær embætisfólkini eru liðug at kanna viðurskiftini, er ikki greitt, og einki útspæl kemur, fyrr enn arbeiðið er liðugt, sigur Kristina Háfoss.