Neistin vann á Kyndli

Í gjár hittust Neistin og Kyndil í bestu deildini hjá kvinnunum. 

Kyndil, sum liggur nummar tvey í hvonn-kappingini, hevur verið greitt omaná í teimum báðum grannauppgerðunum, sum tær higartil hava spælt ímóti Neistanum í ár.

Men hesa ferð vilja tær bláu tað øðrvísi. 

VÍF vann sannførandi

Í Vestmanna hittust VÍF og H71. VÍF, ið er oddalið, vann ein tryggan 36-30 sigur á hoyvíkskvinnum.

Tær varðveita sostatt sítt fyrsta pláss og liggja nú seks stig framman fyri Kyndil, ið liggur nummar tvey við 28 stigum.

VÍF og H71 hava spælt 19 dystir, meðan hini liðini hava spælt 18 dystir.

VB hevur finalumøguleika

Nú eru einans trý stig á muni millum Kyndil og VB, ið liggur á einum triðja plássi við 25 stigum. 

Bæði lið hava spælt 18 dystir, og bæði lið mangla at spæla seks dystir. 

12 stig eru eftir at spæla um hjá báðum liðum, og tískil er einki avgjørt enn.

Stigatalvan í hvonn-deildini er hendan: