- Tíðindi, mentan og ítróttur
Tveir fáa sín elddóp
Lars Olsen, landsliðsvenjari hevur gjørt broytingar í hópinum til dystin móti Liktinstein í dag, samanborið við dystin móti Lettlandi hóskvøldið.
Framherjin, Patrik Johannesen, og vinstribakkurin, Alex Mellemgaard, byrja inni fyri fyrstu ferð.
Aðrar broytingar eru eisini. Odmær Færø kemur inn í miðverjuna fyri Sonna Ragnar Nattestad.
Rógvi Baldvinsson verður hesaferð at síggja á verjukenda miðvøllinum, samstundis sum Kaj Leo í Bartalsstovu hesaferð er millum teir fyrstu ellivu ístaðin fyri Brand Olsen.
Patrik Johannesen fer at spæla sum fremsti áleypari, meðan Jóan Símun Edmundsson verður fluttur eitt sindur longur aftur sum hangandi áleypari.
Hesir ellivu byrja dystin móti Liktinstein
| Gunnar Nielsen |
| Jónas Tór Næs |
| Atli Gregersen |
| Odmar Færø |
| Alex Mellemgaard |
| Rógvi Baldvinsson |
| Hallur Hansson |
| Gilli R. Sørensen |
| Jóan Símun Edmundsson |
| Kaj Leo í Bartalsstovu |
| Patrik Johannesen |
Dysturin millum Føroyar og Liktenstein byrjar klokkan 17.00.
Hann kann síggjast á heimasíðuni hjá Fótbóltssambandinum
