Flogskiparar gjørt sáttmála fyri næsta árið

Flogskiparafelagið og Arbeiðsgevarafelagið gjørdu nýggjan sáttmála í nátt.

Triðja semingsuppskotið hjá Semingsstovninum bar á mál. 

Semingsstovnurin handaði pørtunum beint eftir midnátt semingsuppskotið, sum báðir partar tóku undir við.

Eitt ár

Talan er um ein eitt árs sáttmála, sum er galdandi frá 1 .apríl í ár til 31. mars næsta ár.

Lønarhækkingin er 2,3 %, og flogskipararnir hava fingið tillagingar í arbeiðsskipanini.

Flogskiparafelagið vrakaði hini bæði semingsuppskotini, annað leygardagin í síðstu viku og hitt 16. apríl.

Flogskiparar vildu hava galdandi arbeiðsskipan broytta - tað er, hvussu arbeiðsdagar, frídagar og frítíð verða løgd til rættis gjøgnum árið.