USA fer at fíggja Norðurkorea

- Um Norðurkorea gongur við til at avdubba, fer USA at veita fíggjarligan stuðul til landið.

Hetta var boðskapurin, sum amerikanski uttanríkisráðharrin, Mike Pompeo, hevði leygarnáttina føroyska tíð.

Tað veit tíðindastovan Reuters at siga.

-Um Norðurkorea tekur fet til eina skjóta avdubbing, er USA til reiðar at arbeiða saman við Norðurkorea, soleiðis at tey kunnu fáa vælferð saman við suðurkoreansku vinum okkara, sigur Mike Pompeo.

Hetta var á einum felags tíðindafundi við suðurkoreanska uttanríkisráðharranum, Kan Kyung-wha, í Washington.

Teir báðir uttanríkisharrarnir hittust í sambandi við fyrireikingar av toppfundinum millum amerikanska forsetan, Donald Trump, og Norðurkoreanska leiðaran, Kim Jong.un. Tann fundurin verður í Singapor tann 12. juni.