Oljuprísurin lækkar aftur

Russland hevur boðað frá, at landið spakuliga fer at økja um oljusøluna, eftir at landið síðani í fjør hevur avmarkað søluna eftir avtalu við OPEC.

OPEC londini samdust í fjør um at minka um søluna av olju í eini roynd at trýsta prísin upp. Russland tók undir við tí avtaluni.

Nú sigur russiski oljumálaráðharrin, Alaxander Novak, at Russland spakuliga fer at økja søluna aftur, um tað vísir seg, at prísurin verður á eini leið í juni.

Í morgun lækkaði prísurin á olju úr Norðsjónum 78,7 dollarar fyri tunnuna og prísurin á amerikensku WTI oljuni lækkaði niður í 70,7 dollarar fyri tunnuna.

Í hesum árinum er oljuprísurin annars hækkaður við umleið 20 %.