- Tíðindi, mentan og ítróttur
Skundfundur í ST
![](https://kvf.fo/sites/default/files/styles/grein-ovasta-mynd/public/gaza_1.jpg?itok=aGhqGvNm)
- Trygdarráðið eigur at vera í øðini og svara aftur álopunum, sum raka ósekar ísraelskar íbúgvar. Og palestinsku leiðararnir mugu dragast til svars fyri tað, sum teir lata um seg ganga í Gaza, sigur amerikanski ST-sendiharrin, Nikki Haley.
Hernaðarligir palestinar í Gazageiranum skutu í minsta lagi 50 rakettir móti syðra parti av Ísrael í gjár. Sambært tíðindastovuni, AFP, er hetta harðasta álopið síðani Gaza-kríggið í 2014.
Tað kríggið vardi í 50 dagar og kom í kjalarvørrinum á kreppuni millum Ísrael og Gaza.
Ísrael mælir ríkisleiðarum kring allan heim at fordøma álopið í gjár. Sambært ísraelska herinum, fingu tríggir hermenn løstir í álopinum.
Luftverju-skipanir skutu niður flestu rakettirnar, men ein rakett sprongdist nærindis einum barnagarði og elvdi til materiellan skaða, sigur ein hernaðartalsmaður.