Bara ein umsókn, tann sama, sum var frammanundan

Tað er bara tann eina umsóknin um at ala rognkelsi á landi í Svínoy.

Eingin søkti um loyvið, sum varð lýst leyst herfyri.

Heilsufrøðiliga starvsstova hevði eina umsókn liggjandi, men lýsti loyvið leyst at søkja, so onnur feløg eisini kundu bjóða seg fram.

Freistin er farin, og eingin søkti.

Kunngerð broytt

Tann, sum sjálvboðin hevur søkt, kann tí vænta sær tilsøgn um aliloyvi við teimum treytum, sum eru í alilógini, sigur alideildin hjá Heilsufrøðiliga starvsstova.

Broyting er gjørd í kunngerðini um sjúkufyribyrging í alibrúkum.

Nú stendur í kunngerðini, at Svínoyarvík er góðkend til landaling av rognkelsum. 

Rognkelsi verða brúkt til at taka lús av laksi.