Tók skeivan bil

Ein kvinna, sum seinnapartin í gjár boðaði løgregluni frá, at bilur hennara var stolin á bilplássinum við Keypssamtøkuna í Runavik, fær eina bót fyri at lata lykilin standa í bilinum.

Og bilurin var ikki stolin sum so. Kanningar vístu, at ein onnur kvinna hevur júst sama slag av bili. 

Hon fór í skeiva bilin og koyrdi avstað. Tað bar til, tí lykilin stóð í.

Tá hin kvinnan, tann, sum átti bilin, kemur út aftur, heldur hon, at hennara bilur er stolin, sigur vaktleiðarin á politistøðini í morgun.