Kæruritið latið Gerðarrættinum

Trætan snýr seg um rættin at draga gjald fyri keyp og sølu av veiðirættindum frá í avrokningini til manningina.

Reiðarafelagið vísir á ein gerðarrættarúrskurð frá 2013, har tað varð staðfest, at reiðarar høvdu rætt til at draga útreiðslur frá uppboðssøluni í 2011 frá, áðrenn manningin varð avroknað.

Manningarfeløgini vísa hesum aftur og siga, at talan tá var um royndarfiskiskap, og at einki stendur í lógini um sjófeingi um hetta, tí ætlanin hjá Fiskimálaráðnum var ikki, at manningin skal missa, tí reiðarar keypa fiskirættindi.

Hetta er ikki eitt skundmál hjá Gerðarrættinum og tí kann væntast, at úrskurður ikki verðu í málinum fyrrenn í heyst.