Álopsmaður í Týsklandi handtikin

Ákæruvaldið í Lúbeck sigur í fráboðan, at 34 ára gamli týskt-iranski maðurin, sum við knívi høgdi frá hond, eru nú skuldsettur fyri fleiri drápsroyndir. 10 fólk fingu skaða, - av teimum fingu trý álvarsligan skaða. 

Maðurin varð handtikið uttanfyri bussin, og situr nú í varðhaldi í Lúbeck.

Leyp á ferðafólk

Tað var fríggjadagin, at 34 ára gamli maðurin við leyp á fólk, sum sótu í einum býbussi í týska býnum Lúbeck. Bussurin var fullur av fólki, sum skuldu til Travemúnde. 

Fólk í bussinum hava greitt frá, at eitt av ferðafólkunum tók ein knív úr tasku síni og leyp síðani á fólkini í bussinum við knívinum. 

Bussførarin steðgaði beinanvegin bussinum, so at ferðafólkini sluppu til rýmingar, - maðurin leyp eisini á bussføraran.

Ákærin, Ulla Hingst, sigur, at enn er ógreitt, hví maðurin leyp á, skrivar SVT. Men tað er nú greitt, at hendingin hevur ikki sambandi við yvirgang. 
Týska sjónvarpið, Spiegel TV, hevur tosað við pápa handtikna mannin, og sambært honum er 34 ára gamli sonurin sálarliga sjúkur, skrivar svt.