Phønix sigldi á grynnuna

Phønix hevði verið í Hósvík eftir trolunum hjá Topasi og Sardis, sum eru farin til Danmarkar. 

15 - 20 minuttir gingu, áðrenn Phønix slapp av aftur grynnuni við egnari hjálp.

Hans Andrias Kelduberg, stjóri í Thor í Hósvík, sigur, at Phønix var á veg út við einum áhugaðum keypara, tá teir bóru við grynnuna í Hósvík. 

- Vit undirmettu flóðina og sigldu á grynnuna, men við lítlari ferð, sigur Hans Andrias Kelduberg. Vit snaraðu runt inn yvir grynnuna, so vórðu vit leysir aftur. Skipið fekk ongan skaða, sigur Hans Andrias Keldurberg. 

Hann leggur afturat, at grynnan í Hósvík er harður eyrur, og hon átti langt síðani at verið sprongd burtur.

Skipini hjá Thor, Phønix, Kúrberg, Særdis og Topas, eru øll til sølu og standa á donskum sølulista. 

Topas og Sardis eru á veg til Esbjerg, har Kúrberg liggur og bíðar eftir keypara.

Í Kili og Suðurafrika er áhugi fyri at keypa Phønix, og tað var júst ein av hesum keyparunum, sum var við í gjárkvøldið, tá Phønix bar við grynnuna, sigur Hans Andrias Kelduberg, stjóri í Thor.