Eingin bjóðaði seg fram á Frúutrøð

Eingin bjóðaði seg fram á Frúutrøð
Tórshavnar kommuna bjóðaði herfyri samtøkum at vera við í undangóðkenningini at byggja, fíggja og umsita íbúðirnar á Frúutrøð, men eingin søkti.
 
20.08.2018 - 12:36

Fer Tórshavnar kommuna at sleppa bindingunum og slaka krøvini til ætlaðu íbúðarbyggingina á Frúutrøð, so hevur partafelagið Heimbýli áhuga fyri byggingini, sum felagið metir áhugaverda.

Tað sigur Mortan Poulsen, nevndarformaður í felagnum.

Tórshavnar kommuna bjóðaði herfyri samtøkum at vera við í undangóðkenningini at byggja, fíggja og umsita íbúðirnar á Frúutrøð.

Øll kundu søkja um at verða undangóðkend. Men tey sum bjóðaðu skuldu binda seg til at byggja, fíggja og umsita íbúðirnar, umframt parkering og fríøki, sum hoyrir til.

Ætlanin er at byggja 50 íbúðir á Frúutrøð. Helvtin skal vera leiguíbúðir, hin helvtin luta- og eigaraíbúðir.

Tá avtornaði, bjóðaði eingin seg til at gera íbúðirnar, og Annika Olsen, borgarstjóri hevur síðani sagt, at býráðið fer at kanna, um krøv og bindingar kunnu linkast.

Felagið Heimbýli hevði áhuga fyri byggingini, men krøvini gjørdu, at felagið ikki beyð seg til at gera íbúðirnar, sigur Mortan Poulsen, nevndarformaður.

Partafelagið Heimbýli varð stovnað í vár, og endamálið hjá felagnum er at byggja og selja íbúðir, íbúðarhús og býli í Føroyum.

Partapeningurin er 3 milliardir krónur.

Feløgini, sum stovnaðu Heimbýli, eru Betri banki, byggifelagið Articon, Selmar Nielsen Arkitektar og Árni Jakobsen verkfrøðingar.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592